Google тўлиқ ўзи ишлаб чиққан смартфонни тақдим этди

Технология 05 Октябрь 2016 7215

Google компанияси Сан-Францискодаги тақдимот вақтида иккита янги смартфонлар - Pixel ва Pixel XL'ни намойиш этди. 

Ҳар икки телефонда ҳам 4 гигабайтли оператив хотира ва 32 ёки 128 гигабайтли доимий хотира, шунингдек, Snapdragon 821 процессори мавжуд. Икки модель ўртасидаги асосий фарқ — AMOLED дисплейининг ҳажми. Pixel' — 5 дюймли дисплей (1080p), Pixel XL'да эса — Quad HD имкониятли 5,5 дюйм (2560 пикселларда 1440).

Смартфонларда USB-C порти ва 3,5 миллиметрли аудиотешик, шунингдек, орқа панелда бармоқ изи сканери мавжуд. 

HTC бренди ҳақида ҳеч нима айтилмади. Компания қурилмани фаол тарзда «Google смартфони» деб тарғиб қилмоқда.

Pixel — Google Assistant овозли ёрдамчи (Siri муқобили)га эга Google'нинг илк қурилмасидир. У фойдаланувчининг одатларини ўргана бошлайди ва шунга яраша жавоб қайтаради.

Google сўзларига кўра, улар смартфон учун мавжуд камералар ичида энг яхшисини ўрнатишга муваффақ бўлишган. DxOMark сайтининг фикрича, Pixel камераси iPhone 7 (89 фоизли рейтинг 86 фоизга қарши) қурилмасига нисбатан анча яхшироқ.

Google қайд этишича, Pixel смартфонида энг тезкор мобиль камера мавжуд. Унда оптик муқобиллаштириш йўқ, гироскоп орқали видеоларни муқобиллаштириш имкони мавжуд. Камера 12,3 мегапикселли сенсор асосида қурилган. Унинг диафрагмаси — f/2.0.

Pixel яна бир хусусияти — тезкор зарядлаш. Google 15 дақиқа қувват олгандан сўнг батарея 7 соатга яқин ишлашини ваъда қилмоқда.

Смартфон шунингдек, 79 доллар қийматида бўлган Google Daydream виртуаль реаллик шлемини ҳам кўтара олади.

Қурилма уч хил ранг — қора, кумуш ва кўк (чекланган нусха) рангларда ишлаб чиқарилади.

32 ГБли Pixel — 649 доллар, 128 ГБ нархи эса — 749 доллар бўлади. Pixel XL 769 доллар (32 ГБ модель учун) ва 869 доллар (128 ГБ хотирали модель учун) атрофида бўлади.

Аввалдан буюртма қилиш АҚШ, Канада ва Австралияда 4 октябрдан, Ҳиндистонда эса 13 октябрдан бошланади. Қолган мамлакатлардаги савдо санаси маълум қилинмаган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар