АҚШ вице-президентлигига Республикачилар партиясидан номзод Майкл Пенс Демократлар партиясининг шу лавозимга номзоди Тим Кейн билан дебат вақтида Россияни айиққа қиёслади.

"Рус айиғи ҳеч қачон ўлмайди. У фақат пайт пойлайди", дея Пенснинг сўзларини келтиради РИА Новости.

У Сурияда "Россия ҳаракатларига қарши жавоб" тайёрлашга чақирган. Шунингдек, Чехия ва Польшада Москвага қарши ракета ҳужумидан мудофаа тизимини барпо қилиш зарурлигини таъкидлаган.

Бундан олдинги хабарларда, ушбу икки сиёсатчининг теледебатида АҚШнинг Россия билан муносабатларида қатъий ҳаракатлар бошлаш зарурлиги айтиб ўтилгани маълум қилинганди.