Фаластиннинг БМТдаги доимий кузатувчиси Риёз Мансур Фаластин давлати БМТ Хавфсизлик кенгаши аъзолари билан халқаро ташкилотнинг тўлақонли аъзоси мақомини олиш масаласи бўйича маслаҳатлашувларни қайта бошлаши ҳамда Исроил оккупацияси тўхтатилишига қаратилган резолюциянинг қабул қилинишига эришишга яна ҳаракат қилишини маълум қилди, деб хабар бермоқда ТАСС ахборот агентлиги. 

"Биз Хавфсизлик кенгаши аъзолари билан Исроил қишлоқлари бўйича резолюция қабул қилиниши мақсадида маслаҳатлашувлар бошлаймиз", деб айтди Мансур.

Мансурнинг айтишича, Фаластин делегацияси бу масалани Хавфсизлик кенгашида араб давлатларини билдирувчи Миср делегацияси ҳамда октябрда Хавфсизлик кенгашига раислик қилаётган Россиянинг БМТдаги доимий вакили Виталий Чуркин билан муҳокама қилади.

"Бундан ташқари, биз Хавфсизлик кенгаши аъзолари билан бизнинг БМТга қабул қилинишимиз масаласига қайтиш бўйича маслаҳатлашув ўтказамиз. Бу етакчиларимиздан кўрсатма олинган иккита масаладир", деб қўшимча қилди Мансур. 

Фаластин БМТда кузатувчи давлат мақомини олган, унга тўлақонли аъзо мақомини олиш учун Хавфсизлик кенгашининг розилиги керак. Айни вақтда Исроилнинг бош иттифоқчиси ҳисобланувчи ва Хавфсизлик кенгашининг исталган қарорини блоклаб қўя оладиган АҚШнинг позицияси сабабли бунинг имкони бўлмаяпти.

Фаластин давлати расман 135 та давлат томонидан тан олинган ҳамда Араб давлатлари лигаси таркибига киради.