Хитойлик сайёҳлар 5 кун ичида 60 миллиард доллар сарфлашди

Жамият 06 Октябрь 2016 9481
Фото: ТАСС

Хитойлик сайёҳлар ХХР ташкил топган кун муносабати билан эълон қилинган 5 кунлик дам олиш кунларидаги саёҳатлари давомида 60 миллиард доллар сарфлашган. Марказий Хитой телевидениеси хабар қилишича, байрам муносабати билан эълон қилинган дам олиш кунлари ҳали ниҳоясига етмаган, шу боис сайёҳлар сарфлаган якуний сумма бундан ҳам кўп бўлиши мумкин. Бу ҳақида ТАСС нашри хабар берди. 

Октябрнинг илк 5 кун натижаларига кўра, 589 миллион киши Хитой бўйлаб саёҳат қилишган, яна 6 миллион нафари хорижий сафарларга йўл олишди. "Жорий йилда дам олиш учун танланаётган энг машҳур жойлар - Корея Республикаси, Таиланд, Япония, Индонезия, АҚШ, Сингапур, Вьетнам, Малайзия, Мальдив ороллари ва Россия", - дея маълум қилинди Хитойнинг энг йирик сайёҳлик оператори ҳисобланган Ctrip компаниясида. 

2015 йил якунларига кўра, Хитойнинг халқаро туризм соҳасидан тушувчи даромадлар 114 миллиард долларни ташкил қилган. ХХР бу кўрсаткич бўйича Испанияни ортда қолдириб, дунё миқёсида иккинчи ўринни эгаллади.

Ўтган йили тахминан 128 миллион Хитой аҳолиси хорижга саёҳат қилган. Улар саёҳатлари давомида деярли 292 миллиард доллар сарфлашган.  

Манбага кўра, хитойликлар саёҳатни режалаштираётганда хориж мамлакатидаги обидалар ва ўша жойнинг ошхонасига хос бўлган хусусиятларга алоҳида эътибор қаратишади. 
 

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар