Сурия ҳукумати томонидан назорат қилинувчи исталган ракета ёки авиазарба россиялик ҳарбийларга яққол хавф солади, деб айтди 6 октябрда Россия мудофаа вазирлиги расмий вакили Игорь Конашенков. Бу ҳақда РИА “Новости” ахборот агентлиги хабар бермоқда. 

Конашенковнинг айтишича, 17 сентябрда суриялик ҳарбийларга хато туфайли берилган зарбалардан кейин Россия ўз ҳарбийларига бундай хато зарбалар берилмаслиги учун барча зарурий чораларни кўрди.

"Ҳмаймим ва Тартусдаги базаларни ҳимояловчи С-400 ва-300 тизимларининг таъсир қилиш доираси исталган номаълум объект учун кутилмаган "совға" бўлиши мумкин", деб айтди Конашенков.

Унинг таъкидлашича, ҳаво ҳужумига қарши тизимлар расчётларида ҳужум қилаётган ракета ва унинг асл парвоз дастурини аниқлаш учун етарлича вақт бўлмайди.

29 сентябрда Reuters ахборот агентлиги АҚШ президенти Барак Обама маъмуриятида Сурия муҳолиф кучларига ёрдам бериш кенгайтирилиши мумкинлиги кўриб чиқилаётганини маълум қилганди. Агентлик мақоласида Сурия ҳукумат қўшинларига авиазарбалар бериш масаласи кўрилгани, бироқ Россия қўшинлари орасида қурбонлар бўлиши мумкинлиги сабабли бунинг эҳтимоли жуда камлиги айтилган.