Жанубий Кореянинг Samsung корпорацияси Американинг сунъий ақл дастурларини ишлаб чиқиш билан шуғулланувчи Viv Labs компаниясини харид қилишга қарор қилди. The Wall Street Journal газетаси ўз сайтида шу ҳақда ёзмоқда. 

Эслатиб ўтамиз, Viv Labs стартап бўлиб, унга Siri овозли ёрдам берувчи дастурини ишлаб чиқарувчилар асос солган. Siri дастурини 2010 йилда Apple корпорацияси харид қилган ва шундан бери мазкур иловани ўз смартфонларига ўрнатиб келади. Viv Labs яқинда ўзининг янги ишланмаси Viv овозли ёрдамчини кенг оммага танитди. 

Samsung компанияси мобиль қурилмалар учун масъул технологик бўлинмаси директори Инжон Лининг сўзларига кўра, корпорация ўз смартфонларига 2017 йилнинг иккинчи ярмидан бошлаб Viv дастурларини ўрнатиш ниятида. Айни вақтда, битим нархи маълум қилингани йўқ.