Foto: © AFP
Turkiya armiyasi o‘tgan sutkada Suriya shimolida o‘tkazgan “Frot qalqoni” operatsiyasi davomida IShIDning 68ta marrasini yo‘q qildi. Bu haqda 6 oktabr kuni Turkiya qurolli kuchlari bosh shtabi xabar bergan.
"Firtina” qurolidan 252 marta, raketa tizimidan 80 marta va tanklardan 31 marta o‘t ochildi va IShIDning 68ta marrasi yo‘q qilindi", — deb RIA Novostiga xabar qilgan turk harbiy qo‘mondonligi.
Turkiya HHK IShID nazoratida bo‘lgan sakkiz bino va bitta o‘t ochish marrasini yo‘q qilgan. Koalitsiya HHK esa IShIDning uch jangarisini yo‘q qilgan va uch binosini vayron qilgan. IShIDdan ozod etilgan hududdan esa 28ta mina va 1010ta o‘zi portlovchi uskuna zararsizlantirilgan.
