Американинг Ford автомобилсозлик компанияси Австралиядаги барча заводларини ёпди. Компания раҳбарияти ушбу қитъа давлатдаги 91 йиллик фаолиятидан сўнг, шу қарорга келган. Бу ҳақда Associated Press агентлиги хабар қилмоқда.

Ford томонидан Австралияда охирги ишлаб чиқарилган автомобиль Falcon XR6 седани бўлди. Бу автомобиль ишлаб чиқарувчининг музейидан жой олиши айтилмоқда. Умуман, концерн 1960 йилдан бери бу мамлакатда 3,5 млн дона атрофида Falcon моделларини ишлаб чиққан. Уларнинг озгина қисми экспорт қилинган. 

Таъкидланишича, Мельбурндаги сўнгги заводнинг ёпилиши 600 кишининг ишидан маҳрум айрилишига сабаб бўлди. Бироқ, Ford Австралияга импорт қилувчи ва аввал сотилган автомобилларига техник хизмат кўрсатиш ва эҳтиёт қисмлари сотишни тўхтатмайди.