Франция президенти Франсуа Олланд Варшава 50 та Airbus Caracal ҳарбий вертолётини сотиб олиш бўйича 3,5 млрд долларлик шартномадан воз кечгандан кейин бунга норозилик сифатида Польшага ташрифини бекор қилди. Бу ҳақда Олландга яқин манбага иқтибос келтирган ҳолда Reuters ахборот агентлиги хабар бермоқда.   

"Франция Польша мудофаа вазирлигининг 2015 йил апрелда Caracal вертолётларини етказиб бериш бўйича Airbus компанияси томонидан ютилган тендерни бекор қилиш қароридан кейин режалаштирилган маслаҳатлашувларни бошқа санага кўчиришга қарор қилди", деб айтди манба. 

Таъкидланишича, Олланд ва Франция ташқи ишлар вазири Жан-Марк Эйро Польшага 13 октябрда келиши керак эди.