Италия терма жамоаси ҳужумчиси Грациано Пелле ўзининг майдондан олинишидан норози бўлиб, бош мураббий Жампьеро Вентурага қўл беришдан бош тортгани учун таркибдан чиқарилди. Football Italia нашри хабарига кўра, бу ҳодиса ЖЧ-2018 саралашида Испания терма жамоасига қарши кечган ва 1:1 ҳисобида якунланган ўйиндан кейин рўй берган.

Ҳужумчи омма олдида мураббийдан узр сўраган, аммо у ЖЧ-2018 саралаши доирасида македонияликларга қарши 9 октябрь куни кечадиган учрашувда ўйнамаслиги аниқ бўлган.

Айни вақтда Пелле қанча вақтга терма жамоадан четлаштирилгани ҳақида аниқ маълумотлар йўқ.

Манба: Tribuna.uz