“Одноклассники” ижтимоий тармоғида пул ўтказмалари хизмати орқали фойдаланувчилар номидан тўлов учун ҳисоб қилиш имконияти пайдо бўлди. Келажакда ушбу хизмат гуруҳлар учун ҳам иш олиб бориши назарда тутилган.

Ушбу янги созланма орқали фойдаланувчилар нафақат пул маблағларини ўтказишлари, балки тўлов учун ҳисобларни ҳам тақдим эта олишлари мумкин. Бу эса маҳсулотлар ва хизматлар учун тўловларни тезлаштириш ҳамда бошқа фойдаланувчилар билан харажатларни бўлишиш имкониятини беради.

Ижтимоий тармоқ пул ўтказмалари хизматини 2016 йилнинг февраль ойида ишга туширган эди. Шу йилнинг август ойида эса халқаро пул ўтказмалари хизмати ишга туширилди. Охирги ойларда пул ўтказмаларининг ўртача чеки миқдори ўсди ва бугун у 7 минг рублни ташкил этмоқда.