Украиналик MMA жангчиси Емельяненконинг ёнини олиб, чеченистонликни жангга чорлади

Спорт 07 Октябрь 2016 16281

Россия Аралаш жанглар санъати (MMA) иттифоқи президенти, собиқ курашчи Фёдор Емельяненко Грознийда ўтказилган Grand Prix Akhmat 2016 аралаш жанглар турнирида ёш болалар иштирокини танқид қилганидан кейин икки лагер пайдо бўлди. Бугун украиналик аралаш жанглар устаси Никита Крилов Емельяненкони бу нуқтаи назари учун кескин танқид қилган чеченистонлик Абдул-Карим Эдиловни жангга чорлади. Бу ҳақда у ўзининг Instagram саҳифаси орқали маълум қилган.

«Мен билмайман, у ерларда ким болалигиданоқ муштлашиб катта бўлган. Аммо одам балоғат ёшида катталарга ҳурмат кўрсата олмаса, бу 10 000 марта ёмон ҳолат. Агар сен Федорнинг сўзларига жавобан унинг жангларидаги энг ёмон ҳолатларни илова қилган ҳолда ёзсанг ва кулсанг, бу болаликда тарбия кўрмаганликдан далолатдир. Мен ва @abdul_kerim_edilov UFC жангчиларимиз ва биз бу масалани спортчилар каби, яъни ҳақиқий эркаклар каби ҳал қилиб олишимиз мумкин. Менга ўзим қаттиқ ҳурмат қиладиган инсонни ҳақоратлаб ёзганинг ёқмади. Шунинг учун, сен билан UFC рингида кўришдан мамнун бўлардим. Кел, буни Ян ва Магомедов каби телефонда ёки бирон овлоқ ўрмонда эмас баҳорги UFC жангларида ҳал қилайлик. Шунда ким спорт билан шуғулланаётгани, ким Instagram билан шуғулланаётгани маълум бўлади», деган Никита Крилов (@nikitakrylovufc).

Бу можаролар Чеченистон раҳбари Рамзам Қодировнинг уч нафар ўғли ҳам Grand Prix Akhmat 2016 турнирида кўргазмали жанг ўтказиб, барчасида ғалаба қозонганидан кейин юзага келди.

Крилов UFC рингларида 2013 йилдан буён жангларда иштирок этиб келмоқда. У 25 жанг ўтказиб, 21 ғалабага эришган ва 4 марта мағлубият аламини тотган. Эдилов UFC билан 2015 йилда шартнома тузди, лекин у шу вақтгача дебют қила олмади. 2016 йилнинг февралида Америка антидопинг агентлиги (USADA) россияликларни тақиқланган моддалар туфайли четлатганди. Эдилов бу аралаш жанглар санъатида 20 жанг ўтказиб, 16 ғалаба қайд этиб, 4 бор мағлубиятга учраган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13764 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67864 Жамият
Кун.uz офис изламоқда
15:48 / 06.08.2017 37016 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 526 Жаҳон
Саакашвили Украинага қачон қайтишини маълум қилди 
01:15 1034 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 976 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар