Яман пойтахти Санода хусийчилар иштирокида ўтаётган дафн маросимига Саудия Арабистони бошчилигидаги араб коалицияси самолётлари зарба бериши оқибатида ўнлаб одамлар ҳалок бўлди ва кўплаб одамлар жароҳат олди, деб маълум қилди Sputnik нашрига маҳаллий манба.

Сано исёнчи хусийчилар назоратида бўлиб, араб коалицияси уларнинг позицияларига 2015 йилдан бери ҳужум қилиб келади. 

Манба маълумотларига кўра, исёнчилар ҳукуматидаги ички ишлар вазирининг отаси вафоти муносабати билан дафн маросими ўтаётган зал зарбага учраган.  

Охирги маълумотларга кўра, ҳалок бўлганлар 82 кишини, жароҳатланганлар эса 534 кишини ташкил қилган.