АҚШ президентлиги учун Республикачилар партиясидан номзод, миллиардер Дональд Трамп, аёлларнинг шаънига ёмон сўзларни гапиргани учун узр сўраган видеомурожаатини эълон қилди. 

"Мен ҳеч қачон, энг намунали инсонман демаганман. Ва ўзимни шундай сохта тутишга уринмаганман ҳам. Мен ҳозирда афсус қилаётганим ишларни қилганман ва гапирганман. Ва бугун ҳавола этилган ўн йил аввалги видео ҳам шундай ёмон ишларимдан биридир. Мени билганлар, бу сўзлар ҳозирги Трампни акс эттирмаслигини яхши тушунишади. Мен шуларни гапирганман, улар хато бўлган, бунинг учун узр сўрайман", — деган Трамп.

"Мен аҳмоқона сўзларни гапириб қўйганман, аммо гап ва амал ўртасида катта фарқ бор. Билл Клинтон аёлларни ҳақорат қилган, Ҳиллари қўрқитган, ҳужум қилган, шарманда қилган ва ўз қурбонларига таҳдид қилган. Биз буларни яқин кунларда муҳокама қиламиз", — дея қўшимча қилган сиёсатчи. Унинг айтишича, мазкур видеонинг эълон қилиниши сайловчиларнинг эътиборини муҳим масалалардан чалғитишдир. 

Аввалроқ, Washington Post газетаси 7 октябрь куни 2004 йилги видеони эълон қилган эди. Унда Дональд Трамп аёлларга тегажоғлиқ қилиши билан мақтанади. Трамп видеода телебошловчи Билли Буш "Ҳаётимиз кунлари"нинг суратга олинишидан аввалроқ шу ҳақда суҳбатлашади.