ФЖШММИ сайловолди кампанияси мониторингини бошлади

Ўзбекистон 08 Октябрь 2016 4042

Фуқаролик жамияти шаклланиши мониторинги бўйича мустақил Институт (ФЖШММИ) Ўзбекистон Республикаси Президенти сайловини тайёрлаш ва ўтказиш доирасида сайловолди кампаниясини мониторинг қилиш ишларини бошлаб юборди. Маълумки, шу йилнинг 9 сентябрида Ўзбекистон МСК 2016 йилнинг 4 декабрида Президент сайловини ўтказишни эълон қилган эди. 

Ушбу фаолият давомида асосий эътибор сайлов округлари ва участкалари, сайлов комиссияларини ташкил этиш, Ўзбекистон Республикаси Президентлиги учун номзодларни қўллаб-қувватлаш мақсадида имзоларни йиғиш, номзодларни илгари суриш, сайловолди ташвиқотини олиб бориш жараёнига қаратилади. Энг сўнгги босқичда, ФЖШММИ мутахассислари бевосита сайловнинг ўтказилиши ва натижаларини аниқлашни қамраб олишади. 

Мониторингнинг дастлабки ва сўнгги натижалари кенг жамоатчиликка ҳавола этилади. Унда, сайлов қонунчилигини бажариш ҳолати, Ўзбекистон Республикаси сайлов қонунчилигини амалиётга татбиқ этиш бўйича тавсиялар акс этади. Шу билан бирга, аҳолининг сайлов маданиятини ошириш ҳамда сайлов қонунчилигини кенг жамоатчилик ўртасида муҳокама қилиш ишлари йўлга қўйилади. 

Институт матбуот хизматида қайд этишларича, мониторинг миллий қонунчилик ва халқаро меъёрлар негизида ишлаб чиқилган услуб бўйича амалга оширилади. Бунда, ЕХҲТ инсон ҳуқуқлари ва демократик институтлар бюроси (ИҲДИБ) ва халқаро ташкилотлар ҳамда ички кузатувчиларнинг тавсиялари эътиборга олинган эди. 

Эслатиб ўтамиз, мазкур Институт 2007 ва 2015 йиллардаги президентлик сайлови ҳамда 2009 ва 2014 йиллардаги парламент сайловида ҳам мониторинг фаолиятини олиб борган. Унинг натижалари жамоатчилик орасида кенг муҳокама қилиниб, сайлов қонунчилиги ва халқаро меъёрларни ҳаётга татбиқ этиш бўйича таклифлар ишлаб чиқилган, ОАВда сайлов ҳуқуқлари ва жараёнини тушунтириш, уларни амалиётга жорий қилиш борасида қатор чиқишлар ташкил этилган эди. 

Буларнинг барчаси, Институт вакилининг сўзларига кўра, сайловолди кампанияси демократик тамойиллар ва халқаро меъёрлар асосида ўтказишга, сайлов жараёнининг барча босқичида қонунчилик талабларига риоя этишни таъминлашга имкон беради. 
ФЖШММИ томонидан 2015 йилги Ўзбекистон Республикаси Президентлиги учун сайловларда фуқаролик кузатуви амалга оширилгани ЕХҲТ ИҲДИБ томонидан қайд этилган эди. 

Таъкидлаш жоизки, сайловларни фуқаролик кузатуви Ўзбекистон фуқароларининг ҳуқуқларини таъминлаш, давлат ишларини олиб боришда бевосита иштирок этиш, овоз бериш ва ҳақиқий демократик сайловларда сайланишига имкон беришга қаратилган жамоат назоратининг амалий кўринишидир. 

ФЖШММИ фаолияти, айтиш мумкинки, сайлов жараёни, фуқароларнинг ўз қарашларини эркин ифода этишининг ошкора ва шаффоф бўлиши кафолатидир, - дея қайд этишди Институт матбуот хизматида.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29723 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16096 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 64098 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56988 Жамият
Ғазабланган россиялик 46 минг рубллик қарзини копейкаларда тўлади
09:20 467 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 157 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 155 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 416 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 162 Жаҳон
McDonalds Ҳиндистондаги 170 га яқин ресторанини ёпади
08:57 1296 Жаҳон
Кўпроқ янгиликлар