Qatar Airways авиакомпанияси 7 октябрь куни  Boeing корпорациясидан умумий қиймати 11,7 млрд доллар бўлган 40 та йўловчи самолётини сотиб олиш қарори ҳақида маълум қилди. Бундан ташқари, яна 60 та самолёт харид қилишни ҳам режалаштирган. Бу ҳақда 7 октябрда Вашингтонда ўтган матбуот анжуманида авиакомпания раҳбари Акбар аль-Бакер маълум қилган.

"Бизда аксари узоқ масофага мўлжалланган парвозларимизни амалга ошириш учун Boeing корпорациясининг кенг фюзеляжли самолётлари бор ва улар ички флотимизнинг ярмини ташкил этади", - деди аль-Бакер. Унинг маълум қилишича, Qatar Airways ихтиёрида 190 та самолёт мавжуд.

Шартнома шартларига мувофиқ, ҳаво кемаси ишлаб чиқарувчи 290 йўловчи сиғдира оладиган 30 та Boeing 787 Dreamliner ва 396 йўловчи кетадиган 10 та Boeing 777-300ER самолётларини етказиб бериши керак бўлади. Уларнинг ҳар иккиси ҳам кенг фюзеляжли самолётлар ҳисобланади. Бундан ташқари, Qatar Airways раҳбарияти ҳар бири 200 йўловчига мўлжалланган 737-8MAX самолёт моделини сотиб олиш истаги билдирилган мактуб имзолади. Ушбу 60 та ҳаво кемасининг умумий нархи 6,9 млрд доллар, дея баҳоланган.