Андрей Шевченко устозлигидаги Украина терма жамоаси ЖЧ-2018 саралаш босқичининг 3-турида Косовога қарши тўп сурди. Учрашувда мезбонлар 3:0 ҳисобида ғалаба қозонишга эришди. Артём Кравец, Андрей Ярмоленко ва Руслан Ротанлар томонидан киритилган голлар Шевченко жамоасига уч очко тақдим қилди.

Гуруҳнинг яна бир учрашувида эса Хорватия терма жамоаси сафарда Финлядияга қарши тўп сурди. Баҳснинг 18-дақиқасида Марио Манжукич томонидан киритилган ягона гол Хорватия терма жамоасига ғалаба келтирди, - 0:1. Шундай қилиб, Хорватия терма жамоаси ўз гуруҳида 3-турдан сўнг етакчилик қилмоқда.

Яна бир учрашувда Исроил терма жамоаси уйда Лихтенштейнни 2:1 ҳисобида мағлуб қилди. Томер Хемеднинг дубли мезбонларга ғалаба олиб келди.

“D” гуруҳи фаворитларидан бири Уэльс терма жамоаси уйда Грузия билан кутилмаганда 1:1 ҳисобида дуранг ўйнади. 10-дақиқада Гарет Бэйл ҳисобни очди. Иккинчи бўлимнинг 57-дақиқасида эса Грузия терма жамоаси ва “Краснодар” футболчиси Торнике Окриашвили мувозанатни тиклади, - 1:1. Айни пайтда бу гуруҳда Уэльс 5 очко билан пешқамдалик қилмоқда.  

Украина – Косово – 3:0

Голлар: Кравец, 31 (1:0); Ярмоленко, 81 (2:0); Ротань, 87 (3:0).

Огоҳлантиришлар: Бериша, 20; Криэциу, 82.

Финляндия – Хорватия – 0:1

Гол: Манджукич, 18 (0:1).

Огоҳлантиришлар: Ринг, 54; Мойсандер, 72 – Врсалько, 78.

Исроил  – Лихтенштейн – 2:1

Голлар: Хемед, 3 (1:0); Хемед, 16 (2:0); Гопель, 49 (2:1).

Огоҳлантиришлар: Бюхель, 20; Хаслер, 61.

Уэльс – Грузия – 1:1

Голлар: Бэйл, 10 (1:0); Окриашвили, 57 (1:1).

Огоҳлантиришлар: Даушвили, 45+1; Гвилия, 63; Окриашвили, 76; Кашия, 85.

 

манба:tribuna.uz