Американинг General Motors концерни ва Хитойнинг SAIC компаниясига тегишли Baojun модели Baojun 510 русумига тегишли интерьерининг янги суратларини намойиш этди.

Хитойликлар янги ихчам кроссоверининг ташқи кўринишини сентябрда намойиш этган эди. Энди салонга навбат келган кўринади. Бу шу йилнинг ноябрь ойида Гуанчжоуда очиладиган автокўргазмага тайёргарлик доирасида ҳавола этилаяпти. Baojun 510 маҳаллий дилерларга келаси йил бошида етиб боради.

Унинг ташқи кўриниши анчагина ёқимли дейиш мумкин. Радиаторнинг йирик олтибурчакли қафаси, кундузги диодли ёруғлик чироқлари, Nissan учун ишлаб чиқилган орқа чироқлар шулар жумласидан. Аммо, унинг интерьери, аксинча содда услубда ишлаб чиқилган. 

Хитойда Baojun 510 112 от кучига эга, бензинли двигатель билан бирга тақдим этилади. Мотор 5 диапазонли механик узатмалар қутиси ёрдамида автомобилни ҳаракатлантиради. Baojun 730 минивэни ҳам худди шундай жиҳозланади.

Ҳозирча, SUV нархи эълон қилинмаган. Унинг энг арзон намунаси 65 000 юань атрофида туриши тахмин қилинмоқда. Шу билан бирга, у моделнинг Хитойдан бошқа мамлакатларда сотилиши ҳам номаълум. 

Суратлар: Kolesa.ru