Туркия ҳукумати Google Drive, Dropbox ва OneDrive каби булутли хизматларини тўсиб қўйишга қарор қилган. Бунга, президент Эрдўғаннинг куёви, энергетика ва табиий ресурслар вазири Берат Албайроқнинг электрон мактублари тарқалишининг олдини олиш мақсадида амалга оширилган.

Сентябрь ойида хакерлар 2000 йил апрелидан бошлаб ёзилган 57,5 мингдан ортиқ, жами 17 Гбайтлик маълумотларни ўғирлаб, интернет тармоғига жойлаштирган эди. Ҳукумат томонидан олиб борилган суриштирув ишлари, ёзишмаларнинг ҳақиқийлигини тасдиқлаган. 

Ушбу хизматлар дам олиш кунлари тўсиб қўйилган, деб ёзган Thenextweb.com нашри. Кейинчалик Google Drive хизмати тикланган.