Киев Мустақил Давлатлар Ҳамдўстлигидаги аъзолигини тўхтатиш масаласи устида ишламоқда, деб айтди Украина ташқи ишлар вазири Павел Климкин "112 Украина" телеканали эфирида.

Украинада 2014 февралда раҳбарият ўзгаргандан кейин мамлакатнинг янги раҳбарияти МДҲ ишида иштирок этишдан воз кечиш истагини билдирган. Кейинроқ Киев МДҲ ижроия қўмитасидан ўзининг вакили Анатолий Дронни чақиртириб олган.

"Биз МДҲдан чиқиш масаласини ўрганмоқдамиз. Бизда дипломларни ўзаро тан олиш, пенсиялар тўлаш бўйича бир неча ўнлаб келишувлар бор. Биз ҳозир бу келишувларни тартибга солишга имкон берадиган ишни якунламоқдамиз. Мен МДҲдан босқичма-босқич чиқиш тарафдориман", деб айтди Климкин.

2015 йил апрелда Климкин Украинанинг МДҲдан чиқишининг мақсадга мувофиқлигини айтган. Унинг айтишича, Киев МДҲ тадбирларида "унга нимадир керак бўлгандагина" иштирок этмоқда.

Беларусь президенти Украинанинг МДҲда чиқишини кутиш даргумонлигини, бироқ у ташкилотнинг умумий бюджетини молиялаштиришни тўхтатиб, де-факто ундаги иштирокини якунлаётганини айтганди.