Жанубий Кореядаги Burger King тез тайёрланувчи таомлар тармоғига қарашли ресторанларнинг бирида  Samsung Galaxy Note 7 смартфони ёниб кетди. Тасвирдан маълум бўлишича, гаджет шунчаки столда турган ва қувват олиш мосламасига қўйилмаган бўлган. Бино ходимаси мустаҳкам қўлқоплардан фойдаланган ҳолда, қийинчилик билан қурилмани ушлаб, уни олиб чиқишга муваффақ бўлди. 

10 октябрь куни Samsung Electronics ўз ҳамкорларига тўсатдан ёниб кетиш ҳолатлари содир бўлганидан сўнг Galaxy Note 7 смартфони сотувини тўхтатиш илтимоси билан мурожаат қилган. Шу билан бирга  компания қурилмани ишлаб чиқаришни ҳам тўхтатган.