Исроил Африкадан минглаб "қора яҳудийларни" қайтаришни бошлади

Жаҳон 11 Октябрь 2016 8550
Фото: REUTERS

9 октябрда Исроилдаги Бен Гурион номидаги аэропортга иудаизмга эътиқод қилувчи эфиопиялик 63 фуқаро келтирилди. Бу фалашмура ёки "қора яҳудийлар" умматидан келтирилган биринчи вакиллар бўлди. Улар жами 6 мингдан 9 минггачани ташкил қилиб, Исроил уларни охирги вақтлар тартибсизликлар гирдобида қолган Эфиопиядан қайтармоқчи. Йил охиригача бу умматнинг 1300 аъзосини Исроилга олиб чиқиш режалаштирилмоқда. 

Исроилнинг бундай хавотирига 6 октябрда Эфиопиянинг Гондар шаҳридаги тўқнашувларда фалашмура уммати аъзоси Вета Чекланинг ҳалок бўлиши сабаб бўлди. Чекла Исроилга қайтарилишга навбатда турган бўлган ва "Кичик Эфиопия" яҳудий сайти Исроилни улар "репатриантларни тана рангига қараб саралаётгани" сабабли репатриацияни (ватанга қайтариш) чўзишда айблади. 

8 октябрда "Исроил халқаро насронийлик элчихонаси" ташкилоти Эфиопиядан 523 яҳудийни қайтаришни молиялаштиришга тайёрлигини билдирган ва бу мақсадлар учун ярим миллион доллар ажратишга ваъда берган. Бу ҳолат репатриация масаласини "қотган жойидан" силжитишга омил бўлди, чунки Исроил ҳукумати анчадан бери репатриация учун бюджет маблағларини ажратиш бўйича келиша олмаётганди. 

Фалашмура анчагина ўзига хос этно-диний гуруҳ бўлиб, қадимда Эфиопияга бориб қолган яҳудийлар авлодлари ва иудаизмни қабул қилган эфиопияликлар унинг аъзолари ҳисобланадилар. Раввин суди уларни ватанга қайтарилиши керак бўлган тўлақонли яҳудийлар деб тан олгач, улардан аксарияти 1984-1985 йилларда Исроилга олиб чиқиб кетилган. 

Бироқ 5 мингга яқин фалашлар Эфиопиянинг қадимги пойтахти Гондарда қолиб кетгандилар. Уларнинг репатриация масаласи Исроилда бир неча бор кўтарилган. 2015 йилда Исроил вазирлар маҳкамаси уларни репатриация қилиш бўйича тегишли қарор қабул қилган, бироқ бу мақсадлар учун маблағларнинг йўқлиги сабабли иш жойидан қўзғалмай турган.  

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31728 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69074 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9427 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131494 Жамият
АПЛ. «Ливерпуль» қийин ғалабани қўлга киритди, 
21:50 3 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 496 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 3474 Спорт
Бундеслига. «Боруссия» ва «Ҳоффенҳайм» ғалаба билан бошлади
21:05 391 Спорт
Видео: рақс тушаётган минглаб роботлар Гиннесс рекордини ўрнатди
Кўпроқ янгиликлар