2014 йилдаги авариядан кейин Россиянинг РД-181 двигателида ишлайдиган Antares ракетасининг модернизация қилингандан кейинги илк парвози "Николь" тропик бўрони туфайли яна қолдирилди. NASA маълумотларига кўра, бўрон NASA ва Orbital ATK компанияси ракетани 13 октябрда учирмоқчи бўлган Виргиния штатигача етиб бориши мумкин. 

Маълум қилинишича, узоқ кутилган парвоз 16 октябрдан олдин юз бермайди. Gygnus юк кемасига эга Antares ракета-ташувчиси Халқаро коинот станциясига жўнаши керак, деб хабар бермоқда РИА “Новости” ахборот агентлиги.

Дастлаб ракета парвози июлда бўлиши режалаштирилганди, бироқ турли сабабларга кўра бу сана кўчириб келинган: аввал августга, кейин сентябрга, кейин эса октябрга.

Эслатиб ўтамиз, икки йил аввал Antares юк кемаси билан бирга парвоздан тахминан 10 сониядан кейин портлаб кетган. Ўшанда мутахассислар фалокатга двигателдаги муаммолар сабаб бўлганини айтишган.

NASA/Twitter