ХХР ҳукумати мамлакат ҳудудидан Facebook тармоғига уланиш имконини беришга тайёр. Бунинг учун, ижтимоий тармоқ раҳбарияти мамлакат қонунчилигига риоя қилиши керак. Хитой интернет ишлари бўйича девони раҳбари ўринбосари Жэнь Сяньлян махсус матбуот анжуманида шундай баёнот берган.

"Хитойнинг интернетни ривожлантиришдаги сиёсати очиқлигича қолмоқда", -дея унинг сўзларидан иқтибос келтиради "Жэньминь жибао" нашрининг электрон сони. У  Facebook ва Google қидирув хизматидан фойдаланиш хизмати келажакда тикланиши мумкинми?, деган саволга шундай жавоб берган. 

Америка ижтимоий тармоғи кўп бора Хитой интернет ҳудудига қизиқиш билдирган эди. Дунёнинг аҳоли сони бўйича энг йирик давлатида (1 млрд 375 млнга яқин) жорий йил биринчи ярим йиллигида 710 млн киши интернетнинг фаол фойдаланувчиси бўлган.