2016 yilning 12 oktabr kuni O‘zbekiston Respublikasi Tashqi ishlar vaziri Abdulaziz Kamilov Kuvayt Davlatining Favqulodda va Muxtor Elchisi Ahmad Xolid Abdulla al-Jiyranni qabul qildi. Bu haqda O‘zbekiston Tashqi ishlar Vazirligi saytida ma'lum qilindi.
Muloqot davomida ikki va ko‘p tomonlama shakllardagi, jumladan Islom hamkorlik tashkiloti, BMT va boshqa xalqaro tuzulmalar doirasidagi O‘zbekiston-Kuvayt hamkorligining dolzarb masalalari muhokama qilindi.
Shuningdek, O‘zbekiston va Kuvayt vakillarining o‘zaro tashriflari jadvali yuzasidan ham fikr almashildi.
Uchrashuvda Toshkent shahrida bo‘lib o‘tadigan IHT Tashqi ishlar vazirlari kengashining 43-sessiyasida Kuvayt nufuzli delegatsiyasi ishtirokining amaliy jihatlariga alohida e'tibor qaratildi.