Сурия президенти Башар Асад «Комсомольской правда» нашрига берган интервьюсида Су-24 воқеасидан кейин ораси бузилган Туркия ва Россия муносабатлари яхшиланаётганини ижобий баҳолашини билдириб ўтди.

Асаддан "Россия президенти Эрдўғанга ишониб яна бир бор хатога йўл қўймайдими?", дея сўрашган.

"Мен бунга ижобий қарайман... Туркия ва Россиянинг яқинлашуви - Суриянинг умидидир. Чунки, Россия Туркия сиёсатига таъсир кўрсатиши мумкин", дея жавоб берган у.

Бундан олдинроқ, Асад Ҳалаб озод этилгунига қадар мухолифатга қарши кураш олиб боришини маълум қилганди.