ФИФА терма жамоаларнинг навбатдаги рейтингини 20 октябрь куни эълон қилади. Ўзбекистон терма жамоаси ЖЧ-2018 саралаши доирасида Эронга ютқазиб, Хитойни мағлуб этди. Натижада терма жамоамизнинг очколари 4 баллга камаяди ва 617 баллни ташкил этади, деб ёзмоқда Tribuna.uz сайти.

Натижада, Ўзбекистон терма жамоаси 46-ўринга кўтарилиб олиш имкониятига эга бўлади. Бу эса МДҲ ва Болтиқбўйи давлатлари орасида 2-ўринда бўлишини таъминлайди. Чунки Россия терма жамоаси Коста-Рикага қарши ўртоқлик учрашувдаги мағлубияти туфайли 14 поғона пастлайди. Бу эса Россия термасиннинг Топ-50ни тарк этишига сабаб бўлади. Ўзбекистон эса Осиёда тўртинчи ўринда туради. Биздан олдинроқда Эрон (837), Австралия (663) ва Жанубий Корея (640) терма жамоалари жой эгаллашади.