WikiLeaks халқаро ташкилоти асосчиси Жулиан Ассанж 14 ноябрда Эквадорнинг Лондондаги элчихонасида сўроқ қилинади. Ассанж бу элчихонада сиёсий бошпана олган. Бу ҳақда Эквадор бош прокуратураси маълум қилди

Прокуратура маълумотларига кўра, аввал 17 октябрга белгиланган сўроқ Ассанжнинг  илтимоси билан бошқа санага кўчирилди. 

2012 йил 19 июнда Ассанж Швецияга экстрадиция қилинишдан қочиб қутулиш учун Эквадор элчихонасидан бошпана сўраган. Швецияда у жинсий характердаги жиноятларни содир этишда гумон қилинмоқда. WikiLeaks асосчиси бу айбловларни инкор қилмоқда ва уларни сиёсий томондан уюштирилаётганини айтмоқда. У Швеция уни АҚШга топширишидан хавфсирамоқда. АҚШда эса австралияликка АҚШ давлат департаменти махфий ҳужжатларини чоп этганлик учун 35 йиллик қамоқ ёки ўлим жазоси берилиши мумкин.