Buyuk Britaniya fuqarolari orasida Irlandiya pasportini olish uchun kelib tushgan arizalar soni Brexit qaroridan keyin uch oy ichida ikki barobarga ko‘paydi. Bu haqida The Times nashri xabar berdi.
Joriy yilning iyulidan Irlandiya pasportini olish uchun ariza berganlar soni 21,5 ming kishini tashkil qildi. Bir yil avval ularning soni 11 ming nafardan iborat bo‘lgan. Manbada ta'kidlanishicha, ariza topshiriganlarning taxminan 16 ming nafari Shimoliy Irlandiya aholisi hisoblanadi.
Irlandiya tashqi ishlar va savdo vaziri Charli Flanaganning fikricha, yil oxiriga borib, Irlandiya pasportiga ega bo‘lishga da'vogarlar soni taxminan 100 ming nafarni tashkil qiladi. Shuningdek vazir bu ko‘rsatkichning 2017 yilda yanada o‘sishini ishonch bilan ta'kidladi.
