Гулистонда “Истиқлол ғунчалари” номли кўрик-танловнинг вилоят босқичи ўтказилди

Жамият 14 Октябрь 2016 3881
Фото: kun.uz

Гулистон шаҳридаги 1 сонли болалар мусиқа ва санъат мактаби биносида Ўзбекистон касаба уюшмалари Федерациясининг “Истиқлол ғунчалари” номли кўрик-танловнинг II вилоят босқичи бўлиб ўтди. “Соғлом  она ва бола йили” Давлат дастури доирасида ўтказилаётган танловдан кўзланган асосий мақсад ёш авлодни мустақиллик туфайли тикланаётган қадриятларни эъзозлаш, уларнинг санъат ва бадиий ҳаваскорлик ижодиётига бўлган қизиқишларини ўстириш, иқтидорлиларни аниқлаш, қўллаб қувватлашдан иборат бўлди. 

Анъанавий ижрочилик, эстрада қўшиқчилиги, якка ва ансамбль чолғу ижрочилиги, якка ва жамоа рақси ижрочилиги каби 4 йўналиш бўйича ўтказилган кўрик танловга нуфузли  аъзолардан иборат ҳакамлар баҳолаб боришди.

"Ғолибларни танлаш чоғида иштирокчилар ижрочилик маҳорати, куй қўшиқларнинг мазмуни, долзарблиги, саҳна маданияти, либоси эътиборга олинди",-дейди  кўрик-танлов ҳакамлар ҳайъати раси “Сирдарё наволари” ашула ва рақс ансамбли раҳбари  Асатилла Холиқов.

"Танловнинг бутун ҳаяжони биз ота -оналарда кечди. Ўғлим 12 ёшда. Шунга қарамай 2та чолғу асбобини созлай олади. Ҳозирда устози Насиба Содиқова билан Санкт-Петербург шаҳрида ўтказиладиган Халқаро танловга таёргарлик кўрмоқда. Унинг бу ютуқларидан жуда хурсандман. Юртимизда ёшлар учун муносиб шароит, кенг имкониятлар яратилганидан миннатдорман", дейди қатнашчи Самандар Исматуллаевнинг онаси Дилафруз Маматова.

Беллашув якунида  кўрик-танловнинг анъанавий ижрочилик йўналиши  бўйича Гулистон туман маданият ва аҳоли дам олиш маркази “Деҳқон болалари” фольклор тўгараги аъзоларининг “Таътил кунлари” композицияси, якка ва ансамбл чолғу ижрочилиги йўналишида Сирдарё туман “Ором” маданият ва аҳоли дам олиш маркази созандачилик тўгараги қатнашчиси Самандар Исматуллаевнинг Авеписовнинг “Жон” асари ижроси, якка ва жамоа рақси ижрочилиги йўналишида Гулистон туман маданият ва аҳоли дам олиш маркази “Лола” рақс тўгараги аъзоларининг “Кади” рақси, Эстрада қўшиқчилиги йўналишида Мирзаобод туман маданият ва аҳоли дам олиш маркази тўгараги аъзоси Шоҳжаҳон Абдуғаниевнинг “Болалигим” қўшиғи ижроси ҳакамлар томонидан юқори баҳоланиб 1 ўринга сазовор бўлишди. Шунингдек, қатнашчилар қатор номинациялар бўйича ҳам рағбатлантирилди.

Гулистон туманидан ташриф буюрган “Деҳқон болалари” фольклор ансамбли аъзолари маҳорати ҳакамлар томонидан алоҳида эътироф этилиб юқори баҳоланди. Ансамбл ўз иштирокида “Таътил кунларида” дастурини тақдим этишди. Дастур  “Қўй боқиш”, “Оқ керакми, кўк керак”, “Ҳаппак тош”, “Арғамчи”, “Чиллак” болалар халқ қўшиқлари жамланмасидан иборат бўлди. Абдували Ўролов бадиий раҳбарлигидаги  ансамбл  шу кунга қадар  республика миқёсидаги бир қанча фестиваллар ғолиб ва лауреати бўлган.

Озода Мамадалиева

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53520 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69090 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36429 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20935 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79412 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61353 Жамият
Терракота армияси яратилиши сири очилди
22:33 89 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 422 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 403 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 206 Жамият
Кўпроқ янгиликлар