АҚШнинг HP компанияси яқин уч йил ичида 3 мингдан 4 минггача иш ўрнини қисқартирмоқчи, деб хабар бермоқда Reuters ахборот агентлиги. Бунга компьютер ва принтерлар бозоридаги паст савдолар сабаб бўлмоқда. Шу хабардан кейин компания акциялари нархи 1,3 фоизга кўтарилиб кетди.  

Компания бошлиғи Дион Вай¬сле¬рнинг айтишича, бозорда юқори даражадаги беқарорлик ва ноаниқлик ҳукм сурмоқда. "Бизнинг асосий бозорлар муаммоларга дуч келмоқда ва ҳозирда макроиқтисодий шартлар доимий равишда ўзгармоқда", деб айтди Вай¬сле¬р.

Компания прогнозига кўра, 2017 молиявий йил бўйича даромад бир акцияга 1,55-1,65 доллар атрофида бўлади. Таҳлилчилар эса бу кўрсаткич 1,61 доллар атрофида бўлишини прогноз қилишмоқда.

Компания чораклик дивиденд тўловларини 7 фоизга ошириб, акцияларни қайта сотиб олиш бўйича дастурини 3 млрд долларга кенгайтиришини айтди. 

Компания акциялари йил бошидан 28 фоизга ошган.