НАТО бош котиби Йенс Столтенберг альянс Сурия инқирозини тартибга солишга  аралашишни режалаштирмаётганини маълум қилди. У бу ҳақда НАТОнинг Римдаги мудофаа коллежидаги нутқида айтди.  

"НАТО АҚШ бошчилигидаги халқаро коалициянинг Сурияда ИШИДга қарши саъй-ҳаракатларини қўллаб-қувватлайди, бироқ бу давлатдаги ишларга аралашмоқчи эмас", деб Столтенберг айтган сўзларни келтирди ТАСС ахборот агентлиги. 

Столтенберг ихтилофни сиёсий йўл билан тартибга солишни қўллаб-қувватлашини айтди ва Сурия бўйича Лозанна ва Лондонда бўлиб ўтадиган учрашувларда муваффақиятга эришилишига умид билдирди.

Столтенберг аввалроқ ҳам альянс Сурия ва Ироқдаги қуруқликдаги операцияларда иштирок этмаслигини маълум қилганди.