Amerikalik huquq himoyachilari Obamadan Suriyadagi urushni to‘xtatishni talab qilishdi

AQShning Birlashgan milliy aksilharbiy koalitsiyasi huquq himoyachilari AQSh prezidenti Barak Obamadan Suriyadagi urushni zudlik bilan to‘xtatishni talab qilishdi. Bu haqda RIA “Novosti” axborot agentligi xabar bermoqda. 

"Biz urushga qarshi kurash va harbiy tashviqotning katta bosimi, AQSh tomonidan olib borilgan bu urush va barcha boshqa urushlarini oqlaydigan barcha yolg‘on va yashirin axborot ustidan ovozimizni baland qilamiz", deyilgan petitsiyada.

Petitsiya mualliflari Obamani Suriyadagi tuzumni almashtirishga qaratilgan siyosatni to‘xtatishga, Suriyaning mustaqilligi va hududiy yaxlitligini hurmat qilishga chaqirishgan. Bundan tashqari, ular Yaqin Sharqda xorijiy yollanma jangarilarga istalgan yordamni to‘xtatish va Damashqqa nisbatan sanksiyalarni bekor qilishni talab qilishgan. 

Ta'kidlanishicha, murojaatni 50 dan ko‘proq tashkilot va shaxs imzolagan, ular orasida AQShning sobiq bosh prokurori Remsi Klark ham bor.

Fevralda Barak Obamani harbiy jinoyatlar uchun sudga berish talabi bildirilgan, Oq uy saytida chop etilgan petitsiya ostiga 8,5 ming kishi imzo qo‘ygandi.