Бугун, 15 октябрь куни Швейцариянинг Лозанна шаҳрида АҚШ, Россия ва бошқа бир қатор мамлакатларнинг ташқи ишлар вазирлари иштирокида Суриядаги вазиятни барқарорлаштириш масаласида музоркара бошланди.

Учрашувда Россия номидан ТИВ раҳбари Сергей Лавров, АҚШ Давлат котиби Жон Керри, БМТнинг Сурия бўйича махсус элчиси Стаффан де Мистура, шунингдек, Туркия, Саудия Арабистони, Эрон, Қатар, Иордания, Миср ва Ироқ вазирлари ҳозир бўлишган.

Музокараларнинг асосий мавзуси ўт очишни тўхтатиш ҳамда мухолифат кучларининг ҳудудларини белгилаб олиш бўлиши кутилмоқда.