O‘zbekiston FVV havo sovib ketishi va qor yog‘ishi mumkinligidan ogohlantirmoqda

Foto: Kun.uz

O‘zbekiston Favqulodda vaziyatlar vazirligi 15 oktabrda O‘zbekistondagi barcha mobil aloqa abonentlariga 17-18 oktabrda havo keskin sovib ketishi va qor yog‘ishi mumkinligi haqida xabar jo‘natdi.

Vazirlik ma'lumotlariga ko‘ra, dushanba va seshanba kunlari yog‘ingarchilik kuzatiladi, ba'zi joylarda esa kuchli yomg‘irlar kutilmoqda. Bundan tashqari, yomg‘ir qorga aylanishi, shamol esa 15-20 metr/soniya tezlik bilan esishi mumkin.

O‘zgidromet prognoziga ko‘ra, 17-18 oktabrda kunduzi havo harorati O‘zbekistonning aksariyat hududida 13...18 gradusgacha, kechasi esa 5...10 gradusgacha pasayadi.

19-20 oktabrda kunduzi havo harorati 7...12 gradus, kechasi esa 0...5 gradus iliq, ba'zi joylarda esa -1...-2 gradus sovuq bo‘lishi kutilmoqda.