Америкаликларнинг кемалар ҳаракатини кузатувчи Р-8А Poseidon русумли ҳарбий самолёти 16 октябрь куни Ўрта Ер денгизининг шарқий ҳудудида, Россия кемалари жойлашган ҳудуддан учиб ўтди. Бу ҳақда ҳарбий авиациядаги манбага асосланган ҳолда «Интерфакс» агентлиги хабар берган.

Аниқлик киритилишича, АҚШнинг Сицилиядаги Сигонелла авиабазасидан чиққан самолёт Россиянинг Тартусдаги кемаларига 100 км масофада яқинлашган.

Агентлик маълумотига кўра, айни вақтда борт рақами 168858 бўлган Р-8А самолёти Кипр ва Ливан ўртасида, Сурия қирғоқларидан узоқ бўлмаган ҳудудларда айлана ҳосил қилиб учиб юрибди.

Кейинги вақтларда америкаликларнинг Россия билан чегараларда кузатув парвозлари кўпайган.

15 октябрь куни Сицилиядаги базадан кўтарилган RQ-4 Global Hawk стратегик разведка дрони Қрим яқинидан учиб ўтди. 

Октябрь ойи бошида ҳам P-8A Poseidon самолёти Ўрта Ер денгизининг шарқий акваториясида парвоз қилган, бошқа бир RC-135W самолёти Қора денгизидан Қримга яқинлашиб учганди.