Испанияда Мадрид кўчаларига турли зотдаги ва катталикдаги итлар ўз эгалари билан бирга ҳайвонларга нисбатан қаттиққўлликка қарши норозилик акциясига чиқди. Бу ҳақда Associated Press ахборот агентлиги хабар бермоқда.
Агентликнинг маълум қилишича, ҳар йили ўтказиладиган бундай тадбир – "перротон" ёки "догатон" ҳайвонларга қаттиққўл муносабатда бўлиш муаммосига эътиборни қаратиш ва уларни боқиб олишга қизиқишни уйғотишга қаратилган.
Испаниядаги бу тадбир бешинчиси бўлди.
Аввалроқ Мадридда буқаларни таҳқирлашга қарши кўп минглик норозилик намойиши бўлиб ўтганди.
