Буюк Британия ташқи ишлар вазири, Brexit тарафдорларидан бири Борис Жонсон Буюк Британиянинг Европа Иттифоқи таркибидан чиқиш бўйича кампаниядан икки кун аввал газета учун Европа Иттифоқи билан бирга бўлишнинг фойдали эканлиги ҳақида мақола ёзган, деб хабар бермоқда Sunday Times.

"Жонсоннинг Британияни Европа Иттифоқида қолишга чақирувчи махфий мақоласи чоп этилди. Ташқи ишлар вазири бўлишдан аввал Brexit’ қўллаб-қувватлаш кампаниясига етакчилик қилган одам "Британия – буюк давлат, дунё кучи. Дунё ва Европа учун у Европа Иттифоқи билан яқиндан бирлашса фойдали бўлади", деб айтган. Жонсон шунингдек Brexit иқтисодий силсилаларга, Шотландиянинг мустақиллигига олиб келиши мумкинлигидан огоҳлантирган. Ва у буни Британия Европа Иттифоқидан чиқиши кераклигини айтишидан икки кун аввал айтган", деб таъкидламоқда нашр.

Жонсон газеталардан бирига Европа Иттифоқида қолишни қўллаб-қувватловчи мақола ёзгани бундан аввалроқ ҳам маълум бўлган, бироқ унинг матни 16 октябрдагина чоп этилди. Сиёсатчининг фикри тез ўзгарувчанлигини кўрсатувчи бу мақола ОАВда шов-шув келтириб чиқарди.