Италия футболида яна бир шов-шув: «Интер» мухлислари ва Икарди можароси

Спорт 17 Октябрь 2016 5931

«Интер»нинг 40 нафар ашаддий мухлисидан иборат гуруҳ Италия чемпионатининг 8-тури доирасида  «Кальяри»га қарши кечган ва 1:2 ҳисобидаги мағлубият билан якунланган учрашувдан кейин жамоа ҳужумчиси Мауро Икардини уйига қайтаётганида таъқиб қилиб, унинг автомобилига ташланишган.

Football Italia нашри хабарига кўра, бу мухлислар Икардини уйи олдида автомобилини пойлаб туришган ва «Биз шу ердамиз. Аргентиналик дўстларинг келганида бизни огоҳлантирасанми ёки қўрқоқмисан?» деган мазмундаги баннерни осиб қўйишган.

«Кальяри»га қарши ўйинда Икарди пенальтидан гол ура олмади ва мухлисларнинг ғазабини янада қўзитди.

Мухлислар ва футболчи ўртасида унинг автобиографик китоби нашр қилинганидан кейин зиддият юзага келиб, тобора авж олмоқда. Мухлисларнинг фикрича, Икарди 2015 йилнинг февралида «Сассуоло»га қарши ўйиндаги вазиятни эслаб, жамоа мухлисларини қўполликда айблаган. Ультрас аъзоларининг ҳисоблашича, Икардининг автобиографиясида футболчи мухлислар билан таққосланиб, унинг ўзи ёрқинлаштириб кўрсатилган.

«Кальяри»га қарши ўйин вақтида трибунада футболчини ҳақоратловчи баннер осилди. Унда шундай ёзувлар битилганди: «Сен эркак эмассан... Сардор эмассан... Бир уюм ахлатсан».

Ундан олдинроқ мухлислар Икардини сардорлик боғичидан маҳрум қилишни сўраганди.

Гап шундаки, Икарди яқинда савдога чиққан автобиографик китобида, бир воқеани баён қилган: «2015 йил февраль ойида «Интер» клуби «Сассуоло»га (1:3) имкониятни бой берди. Ўйиндан сўнг трибуна олдига бориб, мени футболкамни сўраб хат ёзган мухлис болакайга уни ечиб бердим. Бироқ шу заҳоти уни олдига бошқа фанат келиб, футболкани тортиб олди ва қайтариб менга отди. Мен унга: «Ифлос экансан, болани хафа қилиб, менга ўз муносабатингни билдирмоқчимисан?» дедим».

Бу воқеа «Интер» фанатларини ғазабини қўзғади. «Бу сени хаёлингда юз берган воқеа. Китобинг бошдан охиригача ёлғондан иборат. Сен барча айбни мухлисларга тўнкамоқчисан. Сардорлик боғичига лойиқ эмассан. Бундан буён биз учун мавжуд эмассан» - деб баёнот берди Curva Nord фанатлар гуруҳи.

«Интер» вице-президенти Хавьер Дзанетти маълум қилдики, бу автобиография туфайли футболчига нисбатан тегишли чоралар кўрилади. У футболчи сардорлик боғичидан маҳрум этилиши эҳтимолини истисно этмади.

«Мухлислар биз учун қадрли, уларни фикрини инобатга оламиз. Биз Икардининг ҳатти-ҳаракатини оқлай олмаймиз ва унга нисбатан чора кўрамиз.

Сардорликдан тушириш? Бу ҳақда кейинчалик гаплашамиз» - деди Дзанетти.

Ўз навбатида футболчи мухлислардан узр сўраган.

«Муҳтарам Curva Nord (Шимолий сектор - таҳр.) мухлислари. Мен бу воқеа юзасидан қизишиб кетганимни, китобимдаги баъзи гапларни ноўрин эканини тан оламан. Ҳеч кимни хафа қилиш ёки камситиш ниятим йўқ эди.

Ҳар бир голни сизлар билан нишонлашни истайман. Сизларни розилигингиз мен учун муҳим, чунки «Интер»ни қалбдан яхши кўраман. Умид қиламанки, сизларни қанчалик ҳурмат қилишимни тушуниб етдингиз» - дея ёзган Икарди Инстаграмдаги саҳифасида.

Манба: Tribuna.uz

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28560 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15287 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56401 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1965 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1539 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 5776 Жамият
Германияда Трамп боши шаклидаги гиёҳванд моддали таблеткалар аниқланди
00:21 1538 Жаҳон
Сербия Ҳиндистон ва Эрон фуқаролари учун визани бекор қилди
00:18 1234 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1801 Жаҳон
Кўпроқ янгиликлар