КХДР АҚШга ядровий зарба бериш билан таҳдид қилди

Жаҳон 17 Октябрь 2016 13873
Фото: «Hronika.info»

КХДР ҳукумати мободо америкаликлар Шимолий Кореяга қарши ядровий кучларини ҳаракатга келтиргудек бўлса, АҚШга қарши ядро зарба берилишидан огоҳлантирди. Бу ҳақда шимол корейсларининг Ташқи ишлар вазирлиги маълум қилган.

«АҚШнинг ядровий қуроли бизнинг қирғоқларимизга яқин ҳудудда жойлашган. Улар бизнинг мамлакатимиз ва бизнинг ҳурматли раҳбаримиз Ким Чен Инга хавф солиб турибди», — деган КХДР ТИВнинг америкашунослик бўйича бўлими директори Ли Ен Пи NBC телеканалига берган интервьюсида.

У агар «америкаликларнинг ядровий кучлари Шимолий Корея томон ҳаракатланишни бошласа», КХДР томонидан АҚШга ядровий зарба берилишини таъкидлаган.

КХДР Жанубий Кореянинг Сариқ денгиздаги ҳаракатларини қоралаганди.

Пхеньяндагиларнинг фикрича, Жанубий Корея расмийлари «КХДРни ўз-ўзини ҳимоя мақсадидаги жавоб ҳаракатларига ундамоқда ва бундан унинг ҳудудига зарба бериш учун фойдаланишга умид қилмоқда».

Кўпроқ янгиликлар