Турар жой ижараси билан шуғулланувчи Airbnb сервиси сайёҳларга Дракула қасри сифатида машҳур бўлган Руминиядаги Бран қасрида тунашни таклиф қилмоқда. Бу ҳақда Associated Press хабар бермоқда. Ушбу қаср ҳудудида тунни ўтказишга 1948 йилдан бери илк маротаба рухсат берилмоқда.

Фото: © AP

Airbnb акцияси доирасида икки нафар ғолиб 31 октябрдан 1 ноябрга ўтар тунни қасрда ўтказиши мумкин бўлади. бунинг учун улар Дракула билан шахсий учрашувда қандай суҳбат бўлишини ўзлари ўйлаб топишга тўғри келади.

Фото: © AP

Меҳмонлар учун экскурсия уюштирилади, шундан сўнг шам ёруғлигида меҳмондорчилик бўлади. Сўнгра Дракулага тақлид қилган ҳолда қизил бахмал билан қопланган тобутга ётиш таклиф қилинади. Буни истамаганларга оддий тўшак берилади. Саримсоқ ва кумуш тақинчоқлар тақиқланади.