Ҳолливуд актёрлари Анжелина Жоли ва Брэд Питтларнинг собиқ тансоқчиси ўзини болаларнинг норасмий отаси деб атади. Бу ҳақида The Sun нашри маълум қилди. Марк Биллингем 18 ой давомида машҳур юлдузлар хонадонида  ишлаган. 

Манбада таъкидланишича, тансоқчи жуфтликнинг фарзандларига шу қадар яқинлашиб кетганки, ҳатто ўзини уларнинг норасмий отасидек ҳис қила бошлаган. 

"Мен Брэд ва Анжелина хавфсизлик хизматининг раҳбари эдим", - деб сўзлайди Биллингем. Унинг сўзларига кўра, Жоли-Питт жуфтлиги фарзандларининг ўғирланиш хавфидан жуда қўрққан. 

Фото:SPLASH NEWS

Тансоқчи Жоли-Питт жамоасининг оилага яқин бўлган кам сонли хизматчиларидан бири эди. "Мен доим улар билан яшардим. Болаларни истаган жойимга мустақил равишда олиб кетишим мумкин эди. Бошқа ҳеч кимга ижозат берилмасди", - дея таъкидлади у. 

"Мен сузишга ҳам уларни бирга олиб борардим. Моҳиятан олиб қаралса, мен уларнинг отаси эдим", - дея қўшимча қилди собиқ тансоқчи. 

Биллингем ўзининг 6 нафар фарзандига вақт ажрата олмаганлиги сабабли бу ишини тарк этган. Ҳозирда у Британиянинг SAS: Who Dares Wins дастури инструктори сифатида фаолият олиб бормоқда. 

Фото: XPOSURE