«Манчестер Юнайтед» жамоаси бош мураббийи Жозе Моуриньо «Ливерпуль»га қарши кечган ва 0:0 ҳисобидаги дуранг билан якунланган ўйиндан кейин фикрларини билдириб ўтди.

«Бу биз истаган натижа эмас, аммо буни ёмон натижа деб ҳам бўлмайди. Биз тўғридан-тўғри рақибимизга ўз уйида ғалаба қозонишга имкон бермадик, бу ёмон эмас. Ўйин икки томон учун ҳам оғир кечди, лекин «Ливерпуль» кўпроқ қийналди.

Биз нафақат тактик жиҳатдан яхши ҳаракат қилдик, балки ўйин давомида хотиржам ўйнадик. Эҳтимол, бу мен кўрган энг сокин «Энфилд» эди. Мен мезбон мухлислардан бошқачасини кутгандим. Ҳа, Де Хеа 2та қойилмақом сэйв амалга оширди, лекин буни ўйин контекстидан ташқари ҳолат.

«Ливерпуль» мухлисларини жим қилиб қўйдик. Улар бизнинг ҳимояда муаммолар бўлишини кутишгандир, лекин барчаси ўзгача бўлиб чиқди. Бизга ўйнаш осон бўлди. Тўғри, ҳужумда тезлик етишмагани ҳам бор гап.

Бу ўйин орқали биз рақибнинг 3 очко олишига имкон бермадик. Бошқа рақобатчиларимизда ҳозир тақвим осон келган, шунинг учун масофани иложи борича яқин сақлашимиз керак. Бизда яна қаторасига 5та ўйинда ғолиб чиқиш имкони бўлади.

Биз ўйин давомида тўпни назорат қилишни ният қилиб келмагандик. Биз«Ливерпуль»ни билардик: улар қандай кучли прессинг қилишини, улар тўпни йўқотганда уни олиш учун қандай ташланишини билардик. Биз ақл билан ўйнадик.

«Ливерпуль» – яхши жамоа, лекин ОАВ ёзганидек дунёнинг охирги мўъжизаси эмас», – деган Моуриньо.

Манба: Tribuna.uz