Турк разведкаси йирик шаҳарларда теракт хавфидан огоҳлантирди

Жаҳон 18 Октябрь 2016 4807
Фото: Unian

Туркия миллий разведка ташкилоти (МРТ) ИШИДнинг 5 йирик шаҳарда тайёрланаётган йирик терактлари ҳақида маълумотга эга бўлди. Cumhuriyet газетасида шу ҳақида маълумот берилди.

Манбага кўра, Миллий разведка ташкилоти Хавфсизлик бош идорасини теракт хавфидан огоҳлантирган. У эса, ўз навбатида, барча ҳудудий бўлимларига "шошилинч" белгиси билан мурожаат йўллаган. Разведка маълумотларига кўра, терактлар Истанбул, Анқара, Анталия, Измир ва Газиантеп шаҳарларида амалга оширилиши мумкин. 

Таъкидланишича, ИШИД транспорт, метро, автобуслар, вокзаллар, паромларда ҳужум уюштириши мумкин. Бундан ташқари, авиатранспорт ходимлари ҳам теракт хавфидан огоҳлантирилди. Манбага кўра, ИШИДнинг Истанбулдаги ҳужумлари нишонларидан бири - жорий йилнинг декабрида Туркия олий раҳбарияти иштирокида очиладиган Босфор остидаги автотуннель - "Евроосиё туннели" бўлиши мумкин.

Ўтган якшанба куни Газиантепда шаҳардаги ИШИД ўчоқларига қарши полиция рейдлари бўлиб ўтди. Бунинг натижасида бир худкуш қўлга олинди, яна бири ўзини портлатиб юборди ҳамда 3 нафар полиция ходимининг ўлимига сабабчи бўлди. 

Душанба куни Анқара губернаторлиги пойтахтда ноябрь ойи охирига қадар барча оммавий тадбирларнинг бекор қилиниши ҳақида эълон қилди. 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 58170 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33614 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41264 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5114 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16896 Ўзбекистон
Қизил сайёрада сирли сув омбори топилди
12:22 0 Жаҳон
Фотомақола: Андижон шаҳрида гуллар байрами
16 август куни Тошкентда юз берган йўл-транспорт ҳодисалари
11:50 5191 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Кўпроқ янгиликлар