Виртуал қабулхона орқали самарқандликларнинг 6 йилдан бери эътибор қаратилмаган муаммоси 10 кунда ҳал қилиб берилди

Жамият 18 Октябрь 2016 55312
Фото: Тошпулат Рахматуллаев

1 октябрь куни самарқандлик журналист Тошпўлат Раҳматуллаев Бош вазирнинг Виртуал қабулхонасига иккита таклиф билан мурожаат йўллаганди.

Мурожаат муаллифининг айтишича, биринчи мурожаатга Самарқанд шаҳар ҳокимияти зудлик билан жавоб қайтарган ва муаммо 10 кун ичида ҳал этилган.

Биринчи мактубда журналист самарқандликларнинг турли ташкилотларга саноқсиз мурожаатларига қарамасдан 6 йилдан буён ҳал бўлмаётган муаммосини кўтарганди. Мурожаатда Сўзангарон кўчаси бошланишида қурилган деворни олиб ташлаш сўралганди. Бу девор Регистондан Эски шаҳарга олиб борадиган кўчаларни ҳамда Самарқанд туманидаги яқин-атрофдаги қишлоқларни боғлайдиган йўлни тўсиб қўйганди.

Бу масаладаги яна бир муҳим жиҳат - Самарқанд шаҳри атрофида бетон йўл очилгунига қадар Тошкентдан Китоб ва Шаҳрисабзга, ундан Термизга борадиган барча транспорт айнан Сўзангарон кўчаси орқали ўтар эди. Яъни, ушбу кўча орқали Буюк Ипак Йўлининг бир қисми ўтганди. Лекин бир неча йиллар муқаддам шаҳарнинг муҳим "қон томири" тўсиб қўйилди.

Самарқанднинг эски шаҳар қисмида эканлиги, кўчаларнинг жуда торлиги ва иншоотлар зич жойлашгани боис кенгайтиришнинг имкони йўқлигини ҳисобга оладиган бўлсак, бу кўчанинг автомобил ҳаракати учун ёпиб қўйилиши шаҳардаги вазиятни янада қийинлаштирди ва аҳолининг норозилигига сабаб бўлаётганди.

11 октябрь куни Регистон майдони яқинидаги маҳалла вакиллари билан учрашган шаҳар ҳокими Акбар Шукуров Сўзангарон кўчасини тўсиб турган девор олиб ташланишини маълум қилди.

"Мен ушбу қарор ҳақида маълум қилиш учун ўринбосарларимдан бирини жўнатишим ҳам мумкин эди, лекин Шавкат Миромонович Виртуал қабулхонага келиб тушган ҳар бир мурожаат ва таклиф билан шахсан раҳбарларнинг ўзи шуғулланишини таъкидлаган", — деган шаҳар ҳокими.

У шу заҳоти биринчи ўринбосари Ўткир Абдуллаевга шаҳар архитектура ва ободонлаштириш бўлимлари раҳбарлари билан биргаликда йўлга асфалт ётқизиш ва суғориш тизимини тартибга келтириш масаласини ҳал қилишни буюрган. Шаҳар ҳокими уйлари йўл ёқасида жойлашган фуқароларни биноларнинг олд қисмини ободонлаштиришга чақирди. Шундай қилиб, 6 йилдан буён аҳолини қийнаб келаётган муаммо 10 кунда ўз ечимини топган.

Муаллиф Бош вазирга яна бир таклиф билан мурожаат қилган. У шаҳар ва туман йўл ҳаракати хавфсизлиги бўлимларида махсус жамоатчилик кенгашларини тузишни таклиф этмоқда. Кенгаш таркибига ЙҲХБ мутахассислари, архитектура, ободонлаштириш, йўл қурилиши бўлимлари, жамоатчилик вакиллари киритилади.

Кенгаш ҳар уч ойда йиғилиб, кўчаларнинг ҳолатини ўрганади ва қаерга светофор ўрнатиш, қаерда эскириб қолган йўл белгисини алмаштириш, қайси кўчани таъмирлаш кераклиги борасида тавсия беради. Муаллиф ҳозирча ушбу таклифга жавоб олмаган.

Тошпулат Рахматуллаев, Самарканд

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28622 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15326 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56438 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2090 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1626 Жаҳон
Германияда Трамп боши шаклидаги гиёҳванд моддали таблеткалар аниқланди
00:21 1620 Жаҳон
Сербия Ҳиндистон ва Эрон фуқаролари учун визани бекор қилди
00:18 1271 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1888 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 2526 Спорт
Кўпроқ янгиликлар