Россия мудофаа вазирлигида Бельгия Мудофаа вазири Стивен Вандепутнинг қироллик Ҳарбий ҳаво кучларининг Ҳалабдаги тинч аҳоли вакилларига зарба йўллашга жалб этилмагани борасидаги гапига жавоб қайтарилди. Бу ҳақда ТАСС хабар бермоқда.

Россия мудофаа вазирлигининг расмий вакили Игорь Конашенков Вандепутнинг нишонларни танлашда террорчилар назарда тутилиши борасидаги фикри ҳар қандай шубҳадан холи эканлигига қўшилган.

Конашенковнинг сўзларига кўра, «коалиция самолётлари бераётган авиазарбалар тўйларга, дафн маросимларига, шифохоналарга, полиция участкаларига, гуманитар карвонларга ва ҳатто террорчилар билан жанг қилаётган суриялик ҳарбийларга қаратилмоқда».

Унинг эслатишича, коалициядаги бирор бир мамлакат мазкур ишларга эътибор қаратмаган.

18 октябрь куни Россия Мудофаа вазирлиги Суриядаги зиддиятли томонларни яраштириш бўйича Россия маркази баённомасига асосланиб Хаасажек қишлоғида Бельгиянинг F-16 самолётлари берган зарба оқибатида олти киши ҳалок бўлиб, тўрт киши жароҳатлангани ҳақида хабар тарқатганди.

Кейинроқ Бельгия Мудофаа вазири Стивен Вандепут мамлакат Ҳарбий ҳаво кучлари самолётлари Ҳалабда тинч аҳоли вакилларини бомбардимон қилгани айтилган баёнотни инкор қилиб чиқди.

Бугун Россия элчиси изоҳ бериш учун Бельгия ТИВга чақиртирилди.