Америкалик биологлар музлатгичда сақланган помидорлар нима учун таъмини йўқотиши сабабини аниқладилар. Бунга бағишланган тадқиқот PNAS журналида чоп этилди.

Флорида университети профессори Гарри Кли бошчилигидаги олимлар гуруҳи 25 мингдан кўпроқ помидор генининг совуқ шароитдаги ҳолатини ўргандилар. Совитиш  помидор учун жиддий стресс бўлиб, у ундаги юзлаб генларнинг фаолиятига путур етказади, улардан баъзилари учувчан кимёвий бирикмаларнинг синтези учун жавобгар ҳисобланади. Бу бирикмалар помидорнинг таъми ва ҳидини тўйингарроқ қилади. Кўплаб энзимлар помидор музлатгичдан хона ҳароратидаги шароитга олинганда ҳам тикланмайди.

Кейинги таҳлил совитиш ДНК метиллашиши механизмида ўзгаришларга олиб келишини кўрсатди. Метиллашиш генларни узоқ вақтга "ўчириш" ёки "ёқиш"га имкон бериши сабабли совитишда ҳосил бўлган бузилишлар помидорнинг таъм ва ҳид сифатларига узоқ муддатли эффект кўрсатиши мумкин.