Брюсселдаги супермаркетда харидорларни гаровга олган киши пойтахтдаги Форе коммунаси бургомистри ўринбосарининг ўғли бўлиб чиқди. ТАСС агентлиги маҳаллий ОАВга асосланиб, шу ҳақида маълум қилди

Бургомистрнинг ёшлар ва спорт масалалари бўйича ўринбосари Аҳмад Уартассийнинг ўзи жиноятни айнан унинг ўғли содир этганлигига иқрор бўлди. 

У рўй берган воқеадан кейин тез орада ўтказилган коммунал кенгаш мажлисида шу мазмундаги баёнот билан чиқди. 

Бундан аввал Брюсселда Carrefour супермаркетида номаълум қуролланган эркак 15 кишини гаровга олгани ҳақида хабар берилганди. У Бельгия полицияси томонидан қўлга олинган.