АҚШ президенти Барак Обама Оқ уйда мамлакат раҳбари сифатида охирги расмий қабулни ўтказмоқда. Бу ҳақда Associated Press ахборот агентлиги хабар бермоқда.

Таъкидланишича, Обама ва унинг рафиқаси Мишель Обама Оқ уйда Италия бош вазири Маттео Ренци ва унинг рафиқаси Аньезе Ландинини қабул қилмоқда.

Агентлик маълумотларига кўра, таниқли бош ошпаз Марио Батали бошчилигидаги дабдабали кечки овқат Оқ уйнинг жанубий ўтлоғида чодир остида ташкил этилади ва америкалик қўшиқчи Гвен Стефани иштироки билан якунланади.