Россия Ироқнинг Мўсул шаҳрини озод қилиш операциясини ҳозирча Мўсулнинг бевосита штурми ҳали бошланмаган бўлса-да диққат билан кузатмоқда. Бундай баёнот билан Россия бош штаби бошлиғи Валерий Герасимов чиқди, деб хабар бермоқда ТАСС ахборот агентлиги. 

"Биз Мўсулдаги вазият ва ИШИД жангариларига қарши операцияни кунбўйи кузатмоқдамиз. У ерга космик разведка қурилмалари йўналтирилган ҳамда ҳудуд яқинида ўндан кўпроқ разведка воситаларимиз, жумладан учувчисиз парвоз қурилмалари ишламоқда", деб айтди Герасимов.

"Биз қуруқликдаги гуруҳнинг жойлашиши ва реактив артиллерия ва авиацион объектлар томонидан шаҳар ўққа тутилишини кузатмоқдамиз", деб қўшимча қилди Герасимов.

Унинг айтишича, жангарилар Мўсулдан Сурияга ўтиб кетишлари хавфи мавжуд.

"Бизнинг асосий эътибор жангариларнинг Мўсулдан чиқиб кетиб ёки келишувга кўра шаҳарни тарк этиб Сурияга кетиши мумкинлигига қаратилган. Умид қиламизки, бизнинг халқаро коалициядаги ҳамкорларимиз ИШИДнинг эркин кўчиб юрувчи йирик тўдалари Яқин Шарқ минтақасида қандай оқибатларга олиб келишини англамоқдалар. Шунинг учун террорчиларни бир давлатдан иккинчи давлатга қувиш эмас, балки жойида йўқ қилиш керак", деб таъкидлаб ўтди Герасимов.